Top Sport

Клајстерс загуби од Мугуруза, но покажа дека не заборавила да игра тенис

Првиот ВТА меч на Ким Клајстерс по осум години заврши со пораз од Гарбиње Мугуруза (6:2/7:6(6)) на Дубаи Дјути фри шампионатот, но во исто време покажа дека белгиската тенисерка може да се надева на успешно враќање на тениските терени.

Со своите 36 години, Клајстерс е 10 години постара од Мугуруза, и исто така мајка на три деца  која последниот меч го имаше на САД опен во 2012 година, кога вторпат замина во пензија откако претходно беше надвор од тенисот од 2007 до 2009.

Против деветтата носителка и финалистка од Австралија опен, Клајстерс имаше незгоден старт, но стануваше подобра како што тече мечот и покажа борбеност при мечот од час и 37 минути. Таа направи пет двојни сервис грешки во првиот сет од 32 минути, по што губеше со брејк и во вториот сет. Но, таа израмни на 4:4 и спаси две брејк-топки во следниот гем за да обезбеди тај-брејк.

Scroll to Top