Барбора Крејчикова, 25-годишната чешка тенисерка, на која досега најголем успех на гренд слем турнирите и беше четвртото коло, ќе игра во финалето на Ролан Гарос, откако во драматичен меч успеа да спаси меч-топка и со 7:5/4:6/9:7 да ја совлада својата врсничка, грчкото изненадување Марија Сакари.
Крејчикова во саботното финале ќе се сретне со Русинката, Анастасија Пављученкова, која со 7:5/6:3 претходно ја совлада Словенката Татјана Зиданшек, за исто така свое прво гренд слем финале.
Крејчикова е многу попозната и поуспешна како тенисерка во двојки, освојувајќи две гренд слем титули и заземајќи го првото место на ВТА листата во двојки. Таа почна одлично, добивајќи го првиот сет со еден брејк, но потоа Сакари влезе во вистински ритам и ги искористи сите грешки на противничката за да израмни на 1:1.
Гркинката имаше и шанса да влезе во финалето кога имаше меч-поен при 5:4 во третиот сет, но Крејчикова се спаси. Бидејќи на Ролан Гарос, одлучувачкиот сет не се игра во тај-брејк, беше потребна разлика од два поени, до која тешко се стигнуваше, пред Чехинката со третата меч-топка да го заврши мечот на сервис на противничката.