Атлетската легенда Јусеин Болт бил вклучен во масовна тепачка во доцните ноќни часови по забава низ лондонските клубови. Светскиот рекордер на 100 и 200 метри се обидувал да ја смири ситуацијата кога негови пет пријатели се судриле со друга група на луѓе во „Тој рум“ ноќниот клуб во Лондон.
Според британските медиуми 30-тина луѓе биле вклучени во тепачката, која се случила на тротоарот пред клубот во 3 часот наутро. Снимките од мобилен телефон кои ги објави британскиот таблоид „Сан“ покажуваат како Болт се обидува да ја смири ситуацијата влечејќи го своите пријатели.
Портпаролот на метрополитан полицијата на Лондон, потврди дека интервенирале во улична тепачка во 3:10 часот натуро, но дека немало луѓе со посериозни повреди.
Болт освои осум златни медали на три Олимпијади и многумина го сметаат за најголемиот спринтер во историјата.
Olympic legend Usain Bolt caught up in mass brawl after boozy night out in London with Love Island stars – The Sun https://t.co/6VfdShCqI2
— Yakov Koltovskoy (@KoltovskoyYakov) October 12, 2019