Францускиот портал „Лекип“, пред пет години прогнозирал каков ќе биде поредокот во Топ 10 на АТП листата во 2018 година.
Пет години подоцна јасно е дека во „Лекип“ погрешиле речи кај сите играчи на кои им предвидувале дека 2018 година ќе ја завршат меѓу најдобрите 10.
Единствено погодиле дека Новак Ѓоковиќ и Кеи Нишикори во 2018 година ќе бидат во Топ 10, а најголемата грешка ја направиле кај Рафа Надал и Роџер Федерер.
„Лекип“ превидувал дека во 2018 година Григор Димитров ќе го оствари својот потенцијал и годината ќе ја заврши на првото место. Бугаринот сезоната ја заврши на 19.место. Уште поголема грешка направиле со Беноа Пер. Французите му предвидувале дека ќе биде втор, а тој во моментов е 52. на АТП листата.
Третото место било резервирано за Енди Мареј, но Британецот поради повредите годината ја заврши на 260.место.
Зад Мареј е Милош Раониќ, во моментов 18. во светот, а петти е човекот кој сезоната ја заврши како број 1, Новак Ѓоковиќ.
За Нишикори не направиле голема грешка, му го предвидувале шестото место, а тој во моментов е деветти.
Седмото место „Лекип“ му го доделиле на Бернард Томиќ (83), осмото на Ернест Гулбис (95), деветтото на Јержи Јановиќ (во моментов без ранкинг), а десеттото на Џек Сок (106).
So that's how L'Equipe's 2013 prediction for the 2018 ATP Top-10 turned out pic.twitter.com/rls6jFIhlq
— Oleg S. (@AnnaK_4ever) November 18, 2018