Франциско „Кроата“’ Барио уште еднаш го совлада Васа Бакочевиќ во кафезот на салата Пионир во Белград.
Да потсетиме, првиот меч меѓу нив двајца се одигра во 2021 година во Шибеник, а потоа „Кроата“ победи по само 60 секунди борба. Бакочевиќ се повреди на самиот почеток од мечот и не можеше да пружи вистински отпор, но „Кроата“ сега славеше на реваншот во Белград и докажа дека реално е подобар борец. Бакочевиќ пред мечот постојано го провоцираше хрватскиот Аргентинец, му се закануваше и беснееше, но ни овојпат не можеше да му наштети.
Натпреварот заврши во втората рунда. Бакочевиќ безгрижно се обиде да се извлече и му сврте грб на Кроата, а тој секако не можеше да пропушти таква можност. На минута и пол пред крајот, аргентинско-хрватскиот борец се стегна во задушувачки потег одзади и го принуди Бакочевиќ да се предаде.
Ова за Кроата е 12-та победа во кариерата во која има и три порази, додека Бакочевиќ го забележа 24-от пораз и има 43 победи. Ова е петта победа за Барио во неговиот петти настап под покровителство на ФНЦ и дефинитивно е најдобриот борец во целата организација.
Еве како стојат неговите резултати последниве две години:
