Top Sport

Facebook Twitter

Магнус Карлсен покажа зошто е „Моцарт на шахот“ со нова светска титула

Микс Makfax / 28.11.2018

По 20 дена и над 50 часа игра, норвешкиот велемајстор Магнус Карлсен по четврти пат стана светски шампион во шах, откако го победи Американецот Фабијано Каруана во Лондон во брзиот тај-брејк.

Во сесијата од 4 партии за 25 минути по шахист со 10 секунди по секој одигран потег, Карлсен славеше со 3:0 и со вкупни 9:6 по третпат ја освои шаховската титула, откако претходно се постави рекорд со 12 ремија во 12 меча. Ова е првпат во 132-годишната историја на Светското првенство во шах, мечот да се одлучи со тај-брејк.

Карлсен ја освои титулата во 2013 година со победа над Вишванатан Ананд, по што ја одбрани титулата во 2014 година против Индиецот, за во 2016 година да го победи Русинот Сергеј Карјакин.

27-годишниот Карлсен, кого „Вашингтон пост“ неодамна го опиша како „Моцарт на шахот“ покажа зошто го сметаат за еден од великаните на класичниот формат, иако тој е најдоброрангиран во брз шах. Каруана пак, е првиот Американец кој се бореше за титулата по Боби Фишер во 1972 година, и добро се држеше трите недели во Лондон, за њујорчанецот да потфрли во брзата игра.

Scroll to Top