Top Sport

Маратонецот Кипсанг суспендиран по лажната приказна за одрон на патот

Поранешниот светски рекордер во маратон, Вилсон Кипсанг доби четиригодишна суспензија од атлетиката поради пропуштање на три допинг-тестови и лажењето за причините за пропуштените тестови.

Кипсанг се бранеше за пропуштен допинг-тест со фотографија за одрон на пат и сообраќајна несреќа, пред да се утврди дека тој инцидент се случи три месеци подоцна. Кипсанг за четвртиот пропуштен тест на 17 мај 2019 тврдел дека задоцнил поради одрон во близината на кенискиот град Накуру, но фотографијата била направена три месеци подоцна.

Кипсанг освои олимписка бронза на ЛОИ во Лондон во 2012 година, а имаше победи и на маратоните во Токио, Њујорк, Берлин и двапати во Лондон (2012, 2014). Киспанг во 2013 година во Берлин постави светски рекорд од 2:03:23, кој беше срушен следната година од неговиот сонародник Денис Кимето (2:02:57).

Scroll to Top