Поранешниот најдобар светски тенисер, Енди Мареј се откажа од учеството на првиот турнир во новата година, АТП турнирот од серија 250 во Делреј Бич кој е на програмата од 5 до 13 јануари.
Британецот доби специјална покана од организаторите и веќе беше предвидено идниот петок да го одигра првиот меч.
Сепак Мареј се одлучи да не настапи на турнирот и директно да отпатува во Австралија, на почетокот на февруари за кога е предвиден Австралија Опен.
Според првите информации, оваа одлука на Мареј нема врска со никаква повреда.
Мареј и за на АО има специјална покана, а таму последен пат настапи во 2019 година.
Турнирот во Делреј Бич се игра за награден фонд од 418.195 долари, а титулата ќе ја брани Рајли Опелка.
Во 2021. Енди Мареј меѓу првите на терен, се подготвува за АО