Во понеделник започнува САД опен.
Првиот светски тениски рекет Новак Ѓоковиќ кој ја брка 21. грен слем титула нема да има лесна задача затоа што во евентуалното полуфинале ќе се судри со Александер Зверев, а ако стигне до финалето, можен противник за титулата има големи шанси да му буде Русинот Данил Медведев.
„Секој од нас сака да биде првиот кој ќе освои грен слем. Тим тоа веќе го направи. Од големата тројка тука е само Новак. Стефанос во финалето на РГ му зема два сета, а јас бев во финалето во Австралија. Ќе се обидам да го победам Ѓоковиќ“ вели Медведев.
Тој смета дека во последно време игра на високо ниво и поради тоа има реални шанси да стигне до трофејот.
„Досега имам два финалиња на грен слем, и ми треба победа. Играв добро во Торонто и во Синсинати, каде се исти топчињата, исти услови, иста влажност. Сакам само да го одржам тоа ниво. Кога играм добро знам дека на противниците можам да им направам проблеми, а тоа е најважно. Ќе има тешки мечеви, сакам да направам добри работи на САД опен“ порача Медведев.