УФЦ мегаѕвездата Конор Мекгрегор повторно беше активен на социјалните мрежи, овојпат со закана кон Бразилците – актуелниот шампион во лесна категорија, Чарлс Оливеира и неговиот сонародник, Нејмар.
Иако не е во октагонот по поразот од Дастин Поаире на УФЦ 264 во јули, кога ја скрши ногата, Мекгрегор повторно се обидува да направи камбек, овојпат зголемувајќи ја својат мускулмна маса. „Ноториус“, сепак, уште ги следи случувањата во лесна категорија, и на фотографија на Оливеира со Нејмар напиша: „Ќе ги испушам овие двајца“.
Оливеира, пак, се подготвува за меч со Џастин Гетџи, а потенцијален противник е и подобриот од мечот помеѓу Ислам Махачев и Бенеил Дариуш следниот месец.
