Иако во професионалниот тенис се заработуваат неверојатни суми на пари, тенисерите со понизок рејтинг побараа парична помош за време на пандемијата корона вирусот, откако сега немаат никаков извор на приходи.
Повеќе од 700 тенисери ја потпишаа петицијата која ја започна грузиската тенисерка Софија Шапатава, која посочи дека по прекинот на тениските турнеи многу од тенисерите се на работ на банкрот.
„Професионалните тенисери низ целиот свет престанаа со натпреварувањата, а додека најдобрите имаат ресурси со кои можат да се оддржуваат со месеци или години, нискорангираните тенисери страдаат. Многумина нема да имаат за јадење, а потоа ќе треба да се вратат на натпреварувањата по три или повеќе месеци. Обично се заработува од страна со тренирање на млади луѓе, но во моментов и тоа е пресекнато“, вели 371-рангираната тенисерка.
Hello everyone, I know it is rough times for everybody, but I would really appreciate if you took a minute and signed a petition I created, also could be great if you could share it https://t.co/eD2gWA343G
— Sofia Shapatava (@SofiaShapatava) March 19, 2020