Американецот Ноа Лајлс покажа дека е во фантастична форма, откако истрча 19.50 на 200 метри на митингот од Дијамантската лига во Лозана, Швајцарија, со што е четврт најбрз човек во спринтерската дисциплина.
Ова време е осмо најбрзо во историјата и најдобро во последните седум години. Досега, побрзи од него биле само светскиот рекордер Јусеин Болт, неговиот јамајчански сонародник Јохан Блејк и американската легенда Мајкл Џонсон.
Лајлс се врати по реткиот пораз во дисциплината од сонародникот Мајкл Норман во Рим минатиот месец и покажа дека ќе биде прв фаворит за титулата на Светското првенство во Доха во октомври.
Еквадорецот Алекс Квинонез беше втор со национален рекорд од 19.87, додека трет беше канадскиот олимписки вице-шампион Андре де Грасе со 19.92.
.@LylesNoah wins Lausanne 200m in 19.50 seconds (into a slight headwind), the eighth fastest time ever. Only Usain Bolt, Yohan Blake and Michael Johnson have run faster. It’s the world’s fastest time since Bolt won the 2012 Olympics. pic.twitter.com/AKDwe4CqgB
— Nick Zaccardi (@nzaccardi) July 5, 2019