Норвешка е победник на седмото натпреварување од Светскиот куп во ски скокови, откако во германскиот Титизе-Нојштад ги победија Полјаците и домаќините Германците.
Одличниот тим на Норвешка во состав Даниел Андре Танде, Андерс Фанемел, Роберт Јохансон и Јохан Андре Форфанг собраа 1.083,6 поени од осумте скока за трета победа во исто толку тимски натпреварувања оваа сезона. Фанемел имаше најдобар скок од 141.5 метри.
Полскиот тим во состав Камил Стох, Пјотр Зила, Мациеј Кот и Давид Кубацки собра 1.082,8 поени, иако имаа силен старт, предводени од првиот скок на Стох од 142.5 метри. Германецот Рихард Фрајтаг го имаше најдолгиот скок на натпреварувањето од 143.5 метри, но Германија собра само 1.054,7 поени. Словенија беше четврта пред Австрија и Јапонија.
За во недела предвидено е индивидуално натпреварување во Титизе-Нојштад.
