19-годишната новозеландска скијачка Алис Робинсон е сензационален победник на последната трка од овогодишната сезона во Светскиот куп во алпско скијање, победувајќи ја Американката Микаела Шифрин на велеслаломот со кој стави крај на сезоната.
Робинсон заостануваше 0.77 секунди зад Шифрин по првото возење, но беше фантастична во второто за да ја забележи својата трета велеслаломска победа во кариерата, по триумфите во Зелден (2019) и во Крањска Гора (2020) и покажувајќи дека е скијачка на која мора да се смета во иднина.
Третото место го освои Словенката Мета Хроват, а во топ 5 беа и Федерика Брињоне и Мишел Гисин. Резултатот немаше значење за Светскиот куп, бидејќи Италијанката Марта Басино веќе ја имаше обезбедено велеслаломската титула со четири победи, додека големиот Светски куп отиде кај Словачката Петра Влхова, предизвикувајќи протест на Лара Гут-Бехрами во првото возење.
“The risk-reward pays dividends for the Kiwi!”
1⃣9⃣-year-old Alice Robinson puts in the run of her young career to claim the ? in the Giant Slalom! pic.twitter.com/cKLCxoNXdR
— Eurosport UK (@Eurosport_UK) March 21, 2021
Гут-Бехрами со протест против ФИС по откажувањето на брзинските трки?