Јапонската тениска ѕвезда, Наоми Осака потврди дека се повлекува од Вимблдон, неколку недели откако се повлече од Ролан Гарос поради нејзиниот контроверзен став да не оди на прес-конференции, по што призна дека страда од анксиозност и депресија.
„Наоми нема да игра на Вимблдон оваа година. Таа ќе помине време со семејството и пријателите. Ќе се подготвува за Олимпијадата пред домашните фанови“, изјави нејзиниот агент, Стјуарт Дугуид.
23-годишната четирикратна гренд слем шампионка доби казна од 15.000 долари и закана со дисквалификација откако одби да зборува со медиумите, покренувајќи дебата околу обврските кои ги имаат професионалните спортисти, но и нивното ментално здравје.