Го отпишаа речиси сите откако падна во резултатска и играчка криза. Меѓутоа Новак Ѓоковиќ успеа експресно да се врати во самиот врв на светскиот тенис, откако ги освои последните две гренд слем титули во сезоната, Вимблдон и Ју-Ес Опен и со трофејот во Синсинати го комплетираше „златниот мастерс“.
По победата над Хуан Мартин дел Потро, во финалето на Ју-Ес Опен, Ѓоковиќ објави емотивна порака, во која објаснува зошто за него не постои зборот „неверојатно“.
„Често го употребуваме зборот неВЕРОјатно за да опишене големи успеси. Мене тој збор ми го поништува она што тој успех у го прави да биде толку голем. ВЕРУВАЈТЕ во себе, во своите способности, сила…За мене ВЕРБАТА е дека можам и дека мојот пат го носеше чекор подалеку, дури и во моментите кога најмногу се сомневав и патев. Тој пат, порано или подоцна, секој мора да го мине, спротивставувањето само го одложува напредокот. Многумина дадоа мислење и совет, не можам да кажам дека не ги слушнав, дека тоа не ме збуни…Да…Меѓутоа, ВЕРБАТА ме задржа на вистинскиот пат.
Постојат неколку лекции што можам да ги споделам со вас, лекции што ги научив во изминатите неколку месеци. НеВЕРОјатно не постои. Не постојат граници. Она што ќе го видиш и замислиш во твојата глава, тоа го градиш во животот. Кога на сите предизвици ќе одговориш храбро, со силен карактер и со самодоверба – веќе си победник, без оглед на резултатот. ти ги градиш своите навики, а тие потоа чекор по чекор те водат до твојата цел.
Значи: Прифатете ги неволјите и верувајте во силата на вербата. Може да ве однесе било каде“.
