Реваншот од најгледаниот меч во последната деценија, Флојд Мејведер – Мануел „Мени“ Пакјао ќе се одржи на 19 септември во Лас Вегас.
Кога Мејведер ќе го прослави својот 49-ти роденден во вторник, денот по официјалното објавување на датумот на реваншот, вкупната возраст на двајцата ривали ќе биде 96 години.
Пакјао (62-8-3, 39 КО) се врати во рингот минатото лето – и тоа во голем стил. Висок само 165 см, Филипинецот ги вкрсти ракавиците со Американецот со мексикански корени, Марио Бариос (29-3-2, 18 КО), а мечот за светската титула во велтер категорија на WBC (66.678 кг) заврши нерешено.
Така, 30-годишникот од Сан Антонио остана шампион во таа верзија и дивизија, а WBC го издигна популарниот „Пакмен“ на првото место на листата на предизвикувачи по борбата во култниот „МГМ Гранд Гарден“.
Беше тоа генерална проба за шампионот во осум различни категории, додека Мејведер генералната проба ќе ја има против Мајк Тајсон, која е планирана за пролет, но сè уште нема индикации за официјална потврд.а
Мејведер сè уште може да се пофали со статус на непоразен борец, неговата последна официјална борба беше против поранешниот шампион на УФЦ, Конор Мекгрегор.
Foto/ depositphotos
‼️ ANNOUNCED: Floyd Mayweather Jr and Manny Pacquiao will officially run it back in a professional rematch on September 19th at the Sphere in Las Vegas.
The two icons previously fought in the ‘Fight of the Century’ in 2015 🥊 pic.twitter.com/LDdMHF31Ph
— Ring Magazine (@ringmagazine) February 23, 2026