Русинот Александер Поветкин го нокаутираше Британецот Дејвид Прајс во 5. рунда, нанесувајќи му брутален пораз со кој најверојатно ја заврши кариерата. Мечот беше дел од шоуто Ентони Џошуа-Џозеф Паркер.
Прајс падна и во третата рунда, но успеа некако да се врати на нозе и да продолжи со борбениот меч. Во петтата рунда, Поветкин го „начека“ Британецот со силна десница, и кога тој остана на нозе, со левата рака го „докусури“ и го прати на подот. Веднаш потоа медицинските лица влегоа во рингот, но за среќа 34-годишниот Прајс сам замина од рингот.
За 38-годишниот Русин Поветкин, ова е победа со која станува прв предизвикувач за ВБА појасот на Џошуа и ВБО појасот на Паркер. Поветкин има загубено само еднаш во кариерата, од Владимир Кличко на поени во 2013 година, но мала сенка на кариерата му фрлаат двата позитивни допинг-тестови.
Povetkin absolutley destroys David Price in the fifth round. Brutal left hook KO. pic.twitter.com/Vi9HNo83RQ
— Matt (@theluzzmachine) March 31, 2018
Povetkin KOs Price inside 5. That was brutal. pic.twitter.com/l5msdTTmdE
— FightPicks (@FightPickz) March 31, 2018