Гаел Монфис успеа да се пласира во третото коло на Мастерсот во Париз. Францускиот тенисер, во првите две рунди играше долги мечеви против Миомир Кецмановиќ и Адријан Манарино.
Монфис, во второто коло го победи сонародникот Манарино. Монфис во текот на мечот доби медицинска помош, поради што е неизвесен неговиот настап во третата рунда против Новак Жоковиќ.
„Моам да одам на рендген и да видам како ќе реагира моето тело. И кога сум 100 отсто подготвен не можам да го победам Ѓоковиќ, значи ако не сум на 100 отсто, тогаш немам никакви шанси. Ќе размислам и ќе донесам одлука“, рекол Монфис.
Ѓоковиќ и Момфис досега одиграле 17 мечеви, на сите победил српскиот тенисер.
Пресметката помеѓу овие двајца е закажана за 14 часот.