Тенисерката од Белорусија, Арина Сабаленка, се пласираше во првото гренд слем финале во кариерата. Сабаленка го доби второто полуфинале во Мелбурн против Магда Линет.
Петтата носителна полуфиналениот меч против најголемото изнендување, 31. годишната тенисерка од Полска, го доби во два сета (7:6, 6:2).
Линет во првиот гем направи брејк, Сабаленка возврати со иста мерка во четвртиот. До крајот на сетот двете тенисерки беа сигурни кога сервираа. Во тај брејкот, Сабаленка ја демонстрираше класата. Експресно дојде до предност 6:0 и потоа го доби првиот сет.
Вториот сет мина во целосна доминација на Сабаленка, која напаѓаше од сите позиции, направи два брејка и го заврши сетот со 6:2.
Од почетокот на годината, Сабаленка има одиграно 10 меча, победи на сите без загубен сет.
Сабаленка, во сабота за титулата ќе се бори против Елена Рибакина.