Новата ВТА листа донесе промена на самиот врв на женскиот тенис, Елена Рибакина го презеде првото место од Арина Сабаленка.
Рибакина, во саботата, токму против Сабаленка ја освои титулата на Отвореното првенство на САД.
Казахстанката напредуваше за една позиција и сега е најдобро рангирана тенисерка во светот со 9.901 поен. Сабаленка падна на второто место и моментално има 7.875 поени.
Американката Џесика Пегула остана на третата позиција, со 7.265 поени, додека нејзината сонародничка Коко Гоф беше четврта со 7.244.
Русинката Мира Андреева го задржа петтото место со 5.743 поени, додека Чехинката Линда Носкова беше шеста со 5.328.
Најголем скок меѓу првите десет направи Елина Свитолина. Украинката напредуваше две позиции и сега е седма во светот со 4.809 поени. Каролина Мухова падна на осмата позиција со 4.683 поени, додека уште еден пад забележа Ига Швионтек. Полјачката сега е деветта со 4.619 поени.
Топ 10 завршува со Марта Костјук, која напредуваше за едно место и моментално има 3.980 поени.
Foto/ Depositphotos