Серена Вилијамс нема да настапи на Роџерс купот во Монтреал, поради лични причини, откако оваа недела го доживеа најтешкиот пораз во кариерата.
Освојувачката на 23 гренд слем титули, загуби со 6:0/6:1 од Британката Џоана Конта на Силикон Вели класик турнирот, по што реши да направи мала пауза. Претходно, 36-годишната Американка загуби во финалето на Вимблдон од Германката Анџелике Кербер, а во Монтреал требаше да се подготвува за САД опен.
Вилијамс нема настапено во Монтреал по пласманот во полуфиналето во 2014 година. Таа во моментов е 26. на ВТА-листата.