Шампионката од Вимблдон, Романката Симона Халеп ноќеска беше елиминирана уште во осминафиналето на Мастерс турнирот во Синсинати. Подобра од неа со 2-1 (по сетови 6-1 3-6 и 7-5) беше Американката Медисон Киз.
„Играв многу паметно, посебно во првиот сет, кога ја искористив шансата и тргнав силно. И во третиот сет имаше жестока борба, па и покрај некои лоши удари, верував во себе. Таа беше прва светска тенисерка, освојува гренд-слем титули и знаев дека нема да се откаже. Верував во себе и мислам дека направив многу убави работи“ – рече Киз која е 16. на ВТА листата.
What. A. Point!
A superb effort from @Madison_Keys!#CincyTennis pic.twitter.com/KKIyAjldqm
— WTA (@WTA) August 16, 2019
Халеп, пак, го призна поразот и рече дека нејзината противничка одиграла маестрално.
„Играше неверојатно, делуваше моќно на теренот. Знаев дека е брза и дека удира силно и очекував тежок почеток. Немав вистински ритам на стартот, подоцн се пронајдов, но тоа не беше доволно за победа“ – реча Халеп.
Во борбата за полуфинале Киз ќе се судри со сонародничката Венус Вилијамс.
Во останатите три четвртфинални пресметки силите ќе ги одмерат Софија Кенин – Наоми Осака, Каролина Плишкова – Светлана Кузњецова и Ешли Барти – Марија Сакари.