Американската тенисерка Софија Кенин е последната полуфиналистка на Ролан Гарос. Таа попладнево со 2-1 (6:4, 4:6, 6:0) славеше триумф против сонародничката Даниел Роуз Колинс.
Помладата од двете четвртфиналистки успеа да дојде до победата по 2 часа игра. Колинс имаше проблеми и со повреда, па поради тоа во третиот сет побара медицински тајм-аут. Сепак тоа не помогна многу, а Кенин избори пласман меѓу четирите најдобри на турнирот.
Противник на Кенин во борбата за финале ќе и биде Петра Квитова од Чешка која денеска славеше рутинирана победа против Лаура Зигмунд од Германија.
Во второто полуфинале силите ќе ги одмерат Надја Подороска и Ига Свјонтек.
Sofia Kenin into her 2nd career Grand Slam semifinal, first at #RolandGarros. She is 15-1 in Majors this year. pic.twitter.com/SXP7SWtrrW
— José Morgado (@josemorgado) October 7, 2020