Кенија, вчера ја потресе веста за смртта на атлетичарката Агнес Тироп. 25-годишната атлетичарка, беше пронајдена мртва во својот стан во градот Итен. Полицијата утврди дека станува збор за насилна смрт. Осомничен за убистото е сопругот на Агнес Тироп.
Полицијата влегла во станот на Тироп, откако нејзиниот татко ја пријавил за исчезната.
„Кога полицијата влегла во куќата, ја нашче Тироп во креветот, на подот имало крв. Тие утврдиле дека била прободена во пределот на вратот. Претпоставуваме дека повредата настанала од убод со нож и веруваме дека тоа е причината за смртта“, рекол шефот на регионалната полиција, Том Макори и дополнил.
„Неизиниот маж и понатаму е на слобода, не можеме да го пронајдеме. Истрагата покажа дека тој е осомничен за убоството. Го бараме за да објасни што се случило“.
Тироп, пред еден месец, постави светски рекорд на улична трка на 10.километри. Трката ја заврши со време 30.01 минути.
Најголемите успеси Тироп ги остварила на Светските првенства во Лондон во 2017 и Доха 2019 година, на 10.000 метри. Во двете трки го освола бронзениот медал. Тироп била светска шампионка во крос во 2015 година.
На Олимписките игри во Токио таа го освои четвртото место на 5.000 метри.