Поранешниот апсолутен шампион во тешка категорија, Мајк Тајсон го потврди враќањето во боксерскиот ринг на 28 ноември против уште една легенда, Рој Џонс Јуниор со посебна видео-најава и покрај загриженоста поради растот на бројот на позитивните случаи на корона вирусот.
Мечот во Калифорнија требаше да се оддржи во септември, но Тајсон реши да го одложи за да има делумно присуство на публика и да се зголеми интересот за преносот.
Мечот е предвиден да биде во осум рунди, и нема да се бројат поени, туку до победа ќе се дојде само со нокаут.