Германецот Ленард Кемна (Бора-Хансгрое) ја покажа својата сила со соло победа на 16. етапа на Тур де Франс за своја прва победа на големите трки, откако успеа да го остави зад себе Еквадорецот Рикард Карапаз.
Точно еден месец о по неговата прва професионална победа во кариерата на Критериум Дофин, Кемна успеа да се одвои со голема група од 23 велосипедисти на Веркрос Масиф, за да победи со 1:27 пред Карапаз, додека Швајцарецот Себастиен Рајхенбах беше трет.
Во борбата за титулата во генерален пласман, Словенецот Примож Роглич (Џамбо-Висма) ја одбрани својата предност од сонародникот Тадеј Погачар (УАЕ Тим Емирати), откако тој нападна на последното искачување до Вијар де Лан, но на крајот заедно влегоа на целта во групата која заостануваше огромни 17 минути.
Роглич останува со 40 секунди предност пред Погачар пред утрешната „кралска“ етапа на Алпите, каде што може да се реши победникот.
? The #TDF2020's biggest breakaway so far battled for the win in Villard-de-Lans.
?? @lennardkaemna finally claimed the win, the first for @BORAhansgrohe on the #TDF2020!
? Tune in for the 1' highlights of stage 16. #TDFunited pic.twitter.com/inc2K9bunZ
— Tour de France™ (@LeTour) September 15, 2020