Руската тенисерка Мира Андреева ја забележа најголемата победа во досегашната кариера. Во второто коло на Австралија опен таа ја декласира шестата носителка Онс Жабур со 6:0, 6:2.
Андрејева има 16 години, лани го најави големиот потенцијал, а со оваа победа обезбеди скок на 34. место во светот.За првата топ 10 победа и беа потребни само 55 минути.
Во третото коло ја очекува најдобрата од пресметката меѓу Камила Рахимова и Дајан Пари.
Турнирот заврши и за шампионката од 2018 година Каролина Вознијацки. Подобра од неа беше Русинката Марија Тимофеева со 1:6, 6:4, 6:1.
Данката тргна брилијантно, а во вториот сет водеше со 2:0, имаше брејк за 3:0, но 20-годишната Тимофеева успеа да направи пресврт и за прв пат во кариерата се пласираше за третото коло на еден грен слем.
Во третиот сет Каролина водеше со 1:0 и 40-15, но нејзината игра се распадна од тој момени до крајот не освои ниту еден гем.