Тони Фергусон и Џастин Гетџи имаа идентични 70 килограми на официјалното мерење пред УФЦ 249 во Џексонвил, Флорида овој викенд, каде што популарниот ММА спорт се враќа и покрај корона вирусот во сабота навечер.
Главниот меч на УФЦ 249 требаше да биде пресметката помеѓу Хабиб Нурмагомедов и Фергусон, но рускиот шампион „заглави“ во изолација во Русија откако се врати од САД по затварањето на неговиот тренинг-центар во Калифорнија. Како замена се појави Гетџи, а шефот на УФЦ, Дејна Вајт обезбеди шоу во Џексонвил, откако Флорида ги постави боречките спортови на листата на „неопходни работници“.
36-годишниот Фергусон во мечот ќе ја брани победничката серија која трае од 2012 од 12 меча, додека 31-годишниот Гетџи има само два порази во 23 меча, а во последниот дуел го победи Доналд Серон.
Овојпат, двајцата фајтери имаа задолжителни тестови на корона вирус, за да осигураат дека не се заразени.
Ferguson vs Gaethje.
? The Octagon returns in 24 hours.
Get the #UFC249 E+ PPV now ➡️ https://t.co/E0s98yvzlq pic.twitter.com/6BszJfEXpa
— UFC (@ufc) May 8, 2020