Белгиецот Вут ван Ерт триумфираше на 4. етапа на Тур де Франс од Данкирк до Кале во должина од 171.5 километри, со фантастичен напад на 10 километри пред крајот за да го зголеми водството во генерален пласман.
По трите последователни втори места во првите три етапи, Белгиецот, конечно, стигна до својата седма етапна победа на Тур де Франс, со осум секунди предност пред Данецот Јаспер Филипсен и Французинот Кристоф Лапорт.
„Овојпат не сакав да ризикувам да загубам во спринт. Беше очигледно дека сите се подготвуваат за спринт и затоа со мојот тим одевме на поинаква стратегија“, вели Ван Ерт.
27-годишниот Белгиец сега има 25 секунди предност пред сонародникот Ив Ламперт, додека актуелниот шампион и прв фаворит за титулата, Словенецот Тадеј Погачар е трет со 32 секуни заостанување. Петтата етапа ќе ги однесе велосипедистите од Лил до Аино, со 20 километри калдрма во делот на патеката каде што се вози класичната Париз-Рубе трка.
? The Yellow Jersey gives you wings ?
The slow-motion look at @WoutvanAert's win!
? Le @MaillotjauneLCL donne des ailes ! ?
Admirez l'arrivée de @WoutvanAert au ralenti !#TDF2022 pic.twitter.com/GcpOc6TWNp
— Tour de France™ (@LeTour) July 5, 2022