Шпанскиот ветеран Фелисијано Лопез го освои својот седми трофеј во кариерата, откако по вторпат во кариерата триумфираше на елитниот Квинс клаб турнир во Лондон по драматичната 6:2/6:7(4)/7:6(2) победа над 34-годишниот Французин Жил Симон.
Но, 37-годишниот Лопез не заврши со турнирот – за неколку часа ќе се врати на теренот со својот пријател Енди Мареј за да игра во финалето во двојки против Раџив Рам и Џо Сализбјури.
Лопез дојде на турнирот со само три победи на АТП турнејата во 2019 и на 113. место на АТП листата, порад што му беше потребна вајлд-карта за настап на турнирот. Во трите меча пред финалето, тој се враќаше од сет-негатива, победувајќи ги Милош Раонич и Феликс Оже-Алијасим.