Новак Ѓоковиќ, доживеа колапс и го заврши учеството во Синсинати веќе во второто коло, откако загуби од Тијаго Агустин Тиранте со 6:2, 4:6, 4:6.
Српскиот ас го отвори мечот на најдобар можен начин и го доби првиот сет без поголеми проблеми. Ѓоковиќ двапати го освои сервисот на противникот, додека Тиранте не можеше да најде решение за играта на првиот носител.
Ситуацијата, сепак, целосно се промени во продолжението. На почетокот на вториот сет, Ѓоковиќ имаше две брејк-топки со кои можеше дополнително да ја искомплицира ситуацијата за Аргентинецот, но не ги искористи.
Набрзо следеше период кој значително влијаеше на текот на натпреварот. За време на еден долг сервис-гем на српскиот тенисер, кој траеше дури 18 минути, на Ѓоковиќ му се слоши.
Novak Djokovic is vomiting in Cincinnati. 😩 pic.twitter.com/ra2PovCrYk
— Danny (@DjokovicFan_) August 15, 2026
Поради високата температура и високата влажност во Синсинати, тој имаше сериозни проблеми со физичката состојба, а во еден момент дури и повраќаше.
Ѓоковиќ, исто така, покажа и знаци на болки во нозете за време на мечот, поради што интервенираше физиотерапевт. Во еден момент, српскиот тенисер заврши на колена и беше јасно колку му е тешко да го издржи напорот.
"He was literally down on the ground" 🤯
How does @DjokerNole win this game 🤔#CincyTennis pic.twitter.com/tkpyy8xF4q
— Tennis TV (@TennisTV) August 15, 2026
Тиранте го препозна моментот и почна да врши сè поголем притисок врз Ѓоковиќ. Аргентинецот направи брејк, а потоа ја зачува предноста и го изедначи резултатот во сетови.
Ѓоковиќ потоа отиде во соблекувалната, што очигледно му помогна да се освежи и да најде дополнителна енергија за решавачкиот сет.
Во третиот дел од натпреварот, српскиот тенисер повторно изгледаше постабилен. Сервираше добро и успеа да ја одржи рамнотежата, додека Тиранте не му дозволи да направи брејк. Гејмовите поминаа без поголеми шанси, а стана јасно дека еден лош сервис гем може да го одлучи победникот.
Токму тоа се случи. На крајот од третиот сет, Тиранте успеа да направи клучен брејк за 5:4, а потоа сервираше без драма за најголемата победа во неговата кариера.