Словенецот Матеј Мохорич го совлада Каспер Асгрен во фото-финиш во супер-брзата 19. етапа на Тур де Франс од 173 километри од Моран-ен-Монтањ до Полињи.
Мохорич, Асгрен и третопласираниот Бен О’Конор се одвоија од групата од 37 велосипедисти на последното искачување на 30 километри пред финишот, за потоа во фуриозна битка во последните 400 метри, Словенецот да стигне до тесна победа. Главната група заостана 40 секунди.
„Победата значи многу поради тоа колку е тешко и брутално да си професионален велосипедист. Страдаш на подготовките, се жртвуваш, немаш време за себе и за семејството“, вели 28-годишниот Мохорич, за кој ова е трета победа на ТдФ во кариерата.
Најдобрите пет во генерален пласман завршија заедно, така што актуелниот шампион Јонас Вингегард останува со 7:35 предност пред Словенецот Тадеј Погачар пред утрешната претпоследна етапа.
🤏Neck and Neck.
🤏Au coude à coude. #TDF2023 | @matmohoric pic.twitter.com/t4MpxgJWZa
— Tour de France™ (@LeTour) July 21, 2023
⏪ The final KM of a high-intensity stage, and the closest finish of the #TDF2023 so far.
⏪ Le dernier KM d'une étape à haute intensité, et l'arrivée la plus serrée du #TDF2023 jusqu'à présent. pic.twitter.com/ZwZg9n91oR
— Tour de France™ (@LeTour) July 21, 2023