Неверојатна приказна доаѓа по неодамна завршените Олимписки игри во Токио.
Јамајканецот Хенсл Парчмант освои злато на трката на 110 метри со пречки и го изненади фаворитот Грент Холовеј. Но малку недостасувало тој воопшто да не успее да стигне пред почетокот на трката.
На денот на финалето, 31-годишниот атлетичар влегол во погрешен автобус, па наместо на атлетскиот стадион, завршил во пливачкиот центар.
Побарал помош, ама официјалните лица му рекле дека единствена опција е да се врати во олимпиското село и оттаму да седне во вистинскиот автобус. Таквата опција на атлетичарот немала да му остави доволно време за подготовка пред трката. Стигнала ненадејна помош.
Every Jamaican knows that gratitude is a must. @ParchmentHansle demonstrates that perfectly here.
Video credit: @ParchmentHansle #Gratitude #Jamaica ?? pic.twitter.com/EWYfvbOSvn
— Andrew Holness (@AndrewHolnessJM) August 7, 2021
25-годишната волонтерка во Токио, извесна Тијана Стојковиќ му дала на Јамајканецот пари за такси за да отиде директно на стадионот. Благодарение на тоа, тој стигнал на време, се подготви и го освоил златото на трката.
Потоа, ја пронашол Тијана и и се заблагодарил за помошта.
Два дена по трката Парчмант на Твитер објавил видео од средбата со волонтерката, кое го споделил и премиерот на Јамајка.
Владата на Јамајка ја повика Тијана Стојковиќ да биде гостин во нивната земја. Непознато е дали ја прифатила понудата, но таа на Инстаграм објави фотографија со маицата која и ја подари атлетичарот.