Индонезиската „жена-пајак“, Ариес Сусанти Рахају ги воодушеви сите откако постави нов светски рекорд во искачување на карпа.
Натпреварувајќи се на Светскиот куп во Чијамен, Кина, 24-годишната Рахају го искачи 15-метарскиот ѕид за неверојатни 6.995 секунди, оставајќи ја домашната натпреварувачка Јилинг Сонг далеку зад неа.
Ова е првпат една жена да искачи 15 метри за под 7 секунди, а претходниот рекорд го држеше ривалката во финалето, Сонг, која имаше 7.101 секунди во Чонгкинг овој април.
Следната година, „жената-пајак“ ќе може да се натпреварува и за олимписко злато, бидејќи спортот е на програмата на Олимпијадата во Токио.
Women’s speed climbing record was smashed. Under 7 seconds. Inhuman. pic.twitter.com/8EC1A1wE1O
— Mark Serrels (@Serrels) October 20, 2019