Кристијано Роналдо верува дека Јувентус е променет на подобро под новиот тренер Маурицио Сари и е задоволен од правецот во кој се движи италијанскиот шампион. Португалецот има пет гола во првите девет натпревари од новата сезона и ужива во тоа што добива слобода во играта.
„Да, сега сме променет тим, и подобрен. Имам повеќе слобода во играта. Се сменивме многу, но има уште работи кои можеме да ги правиме подобро. Завршувавме добра работа и под Макс Алегри, но сега сме подобар тим. Мојата позиција е подобрена и сакам кога имам слобода на движење. Целта е да се има подобри резултати како тим, а не е важно дали ќе ја добијам јас ’Златната топка’“, вели Роналдо на прес-конференцијата пред дуелот од Лигата на шампионите со Локомотив Москва.
Очигледно, почитта е взаемна, откако Сари, покрај Роналдо, веднаш изјави дека се чувствува „задоволен и горд“ што му е тренер на Португалецот.
„Тоа што сум му тренер на Роналдо, за мене е задоволство и гордост. Тој има неверојатен менталитет и знае како да ги постави целите за себе и за тимот. Кога го постигна 700-тиот гол, сигурен сум дека мислеше на голот број 800. Тоа е важно за сите околу него, бидејќи таа самодоверба и таа работна етика е взаемна. Поради него знам која е разликата во менталитетот, тој има нешто повеќе“, вели Сари.