Германскиот тенисер, Александар Зверев, тешко го поднесе поразот од Стефанос Циципас во четврт-финалето на Роџерс купот во Торонто.
Младиот Грк, со пресврт, успеа да го совлада Зверев 3:6, 7:6, 6:4. Зверев во вториот сет не успеа да реализриа две меч топки.
„Ќе бидам искрен и ќе кажам дека Циципас не играше добро. Мечет беше лош. Јас во вториот сет започнав да правам грешки и тоа му даде надеж. Требаше на прес конференцијата да се појавам уште пред 90 минути“, рекол Зверев, посочувајќи дека тој требало да победи.
Циципас кој во претходната рунда го победи Ѓоковиќ знаеше да му возврати на Зверев за неговиот коментар.
„Во вакви лоши денови може да се види кој е добар, а кој не. Јас победив. Го живеам сонот. На знам како успеав да стигнам толку далеку, претпоставувам дека играв добро во решавачките моменти“, рекол Циципас.
Грчкиот тенисер за пласман во финалето ќе се бори против Кевин Андерсон од Јужна Африка.
“I don’t even think he played well.”
Zverev had some choice words following his loss to @StefTsitsipas at #RogersCup. pic.twitter.com/ukeOzOF17j
— Tennis Channel (@TennisChannel) August 11, 2018