Top Sport

Зверев го „шутна“ Лендл, не бил задоволен од неговите способности

Германскиот тенисер, Александер Зверев (22) моментно петтиот светски тенисер одлучи да ја прекине соработката со тренерот Иван Лендл (59). Одлуката на Германецот е непосредно пред почетокот на АТП турнирот во Хамбург.

Зверев подолг период е незадоволен со тренерските способности на чешко-американската тениска легенда, а за се прозборе по испаѓањето уште на стартот на Вимблдон.

„Понекогаш Лендл во текот на тренингот ми раскажуваше како играл голф и како си купил ново куче. Тие му се главни теми“ – вели Зверев.

Лендл во текот на кариерата освои 94 турнири, од кои 8 гренд-слем наслови.

„Верувам во Саша, кој се уште е многу млад. Мислам дека може да стане извонреден играч, но моментно има проблеми надвор од тенисот, што го оневозможува работењето со него“ – смета Лендл.

Нивната соработка траеше помалку од една година, а најголемиот успех на Германецот под тренерската палка на Лендл е победата во финалето на АТП Мастерсот во Лондон во 2018 година.

Scroll to Top