Милош Раониќ ќе игра во четврт-финалето на Австралијан опен, откако го декласира четвртиот носител Александар Зверев со 6/1, 6/1, 7/6. Раониќ за 122 минути го мина Германецот и во наредната рунда ќе игра против Борна Чориќ или Лука Пуи.
Зверев, кој минатата сезона ја заврши со победа на завршниот Мастерс, во кариерата никако не успева да стигне подалеку од осмина-финалето на Австралијан опен. Оваа година не можеше против Раониќ, кој одигра перфектен меч, особено во првите два сета кога Германецот освои само два гема.
Лош процент на реализацијата на првиот сервис, само осум винери и дури 16 неизнудени грешки, придонесоа Зверев да губи со 2:0 во сетови, а поради тоа настрадат и неговиот рекет.
Zverev going all Baghdatis on his racquet.
It's all going wrong pic.twitter.com/TJ2m2jyxgD— Michael Gallo (@Galloots) January 21, 2019
Во третиот сет конечно 21-годишниот Германец ја пронајде својата игра, меѓутоа Раониќ не попушти во ниту еден момент. Тенисерот роден во Црна Гора, имаше меч топка во десеттиот гем, а потоа во 13. гем го доби мечот иако Зверев имаше 1:3 и 2:4 во тај-брејкот.
Raonic MP (?@Eurosport_RU ) pic.twitter.com/SChj60Nyyt
— doublefault28 (@doublefault28) January 21, 2019