Top Sport

Facebook Twitter

Црногорките подобри од Србинките, а сега мораат да чекаат помош од нив (видео)

Ракомет Makfax / 10.12.2018

Ракометарките на Црна Гора останаа со шанси за пласман во полуфиналето на ЕП во Франција, откако во големото дерби со пресврт стигнаа до победа од 28:27 над Србија, и ги исфрлија соседите од математиката за полуфинале.

Србинките подобро го стартуваа мечот и имаа предност од три гола (15:12) на полувремето, пред во второто полувреме, Црногорките да се вратат и во драматична завршница да слават со 28:27.

Ѓурѓина Јауковиќ, Мајда Мехмедовиќ и Милена Раичевиќ имаа по шест гола за Црна Гора, додека на Србија не им помогна ниту расположената Катарина Крпеж Слежак со 12 постигнати голови.

Црна Гора сега има 4 поени и е на третото место во групата 1, со еден поен помалку од второпласираната Франција и поен пред Шведска. Во среда, во последното коло по групи, Црна Гора игра со „отпишаната“ Данска, Шведска за противник ја има моќната Русија, додека Франција игра со Србија, што значи дека на Радичевиќ и „друштвото“ ќе им треба помош од Србинките – да направат изненадување против домаќините, а тие да ја победат Данска.

ГРУПА 1

Русија – Данска 32:21 (14:9)

Црна Гора – Србија 28:27 (12:15)

Табела: 1.Русија 8, 2.Франција 5, 3.Црна Гора 4, 4.Шведска 3, 5.Србија 2, 6.Данска 2

Scroll to Top