Игор Карачиќ додава, Столе Стоилов постигнува гол. Според ЕХФ ова е асистенција на сезоната во Лигата на шампионите, која триумфално заврши за Вардар.

Сезоната проткаена со сериозни финансики проблеми, ракометарите на Вардар ја завршија со трофеј во Лигата на шампионите. Успехот на македонскиот и СЕХА-шампионот на вистински начин го вреднуваат и во ЕХФ.

Претходно од Европската ракометна федерација објавија дека Криштопанс бил најдобар во месец јуни, а Милосављев ја има најдобрата одбрана.