По првиот пораз на ЖРК Вардар во Лигата на шампиони, им дојде ред и на европските шампиони, Вардар, кои загубија со 27:26 на гостувањето во Нант, Франција. Ова е прв пораз за Вардар по сензационалното освојување на титулата од ЛШ минатата година, по што победничката низа продолжи и во новата сезона.
Вардар имаше лош ден на гостувањето кај тимот на Кире Лазаров, кој не беше во составот, откако од почетокот на мечот постојано губеше, со дури осум гола разлика, за сепак, да обезбеди возбудлив финиш на мечот, намалувајќи ја предноста на Французите на 2 и на крајот на 1 гол.
RESULT: Oh-la-la! Leading by 6 at the break, @HBCNantes overcome an impressive comeback by @HCVardar in a dramatic 2nd half to beat the #veluxehfcl Gr. A leaders by the smallest of margins! pic.twitter.com/NvvNsy8I9p
— EHF Champions League (@ehfcl) February 25, 2018
Вардар со реми ќе го обезбедеше првото место во групата, но поразот нема многу да биде важен за европските амбиции на „црвено-црните“, кои сега ја пречекуваат Висла Плоцк следниот викенд во Скопје.
Едуардо Гурбиндо постигна осум гола за Нант, додека пет имаше Германецот Доминик Клајн, додека во нашиот состав, Тимур Дибиров имаше шест гола, а четири додаде Лука Циндриќ.