Македонската ракометна репрезентација го забележа првиот пораз во квалификациите за Европското првенство во 2024 година, откако на домашен терен загубија со 23:29 (11:14) од фаворизираната Португалија.
Селекцијата на Кирил Лазаров, подмладена без неколку клучни играчи, сепак, не капитулираше лесно во СЦ „Борис Трајковски“, не дозволувајќи Португалија да стигне до лесна победа, со одлична борбеност и посветеност во играта. Сепак, најмногу што можевме да постигнеме е израмнување на десетина минути пред крајот на мечот, за Потугалија потоа да се одвои и да стигне до победа.
Филип Кузмановски беше најефикасен со 5 гола, колку што имаше и Мартин Серафимов, додека Антонио Ареја со 10 гола беше убедливо најдобриот ракометар на теренот.
Со победата, Португалците се први фаворити за првото место во групата 1, каде што уште се и Турција и Луксембург. За Македонија, пак, ќе биде доволно и второто место за пласман на ЕП.
КВАЛИФИКАЦИИ ЗА ЕП 2024
ГРУПА 1
Македонија – Португалија 23:29 (11:14)
ГРУПА 2
Финска – Словачка 30:27 (11:13)
Србија – Норвешка 25:24 (12:14)
ГРУПА 3
Естонија – Израел 30:28 (16:12)
ГРУПА 4
Украина – Австрија 31:38 (13:18)
ГРУПА 6
Црна Гора – Словенија 29:32 (14:14)
ГРУПА 7
Швајцарија – Унгарија 32:37 (19:21)
ГРУПА 8
Италија – Летонија 36:23 (15:11)
Фото: РФМ