Пелистер го запиша и третиот пораз во четвртиот меч во ЕХФ Европската лига, откако на гостувањето кај словенечкиот Тимо Требње загуби со 28:24 (14:12).
По пропуштените шанси за победи против ГОГ и Кадетен, словенечкиот тим беше „пикиран“ како совршен противник за првата победа во новото натпреварување на ЕХФ, но Требње поведе од почетокот на мечот и Пелистер успеа да се врати само на гол разлика (12:11) во финишот на првото полувреме. И во второто полувреме, Требње не ја даваше предноста, за на крајот македонскиот клуб да загуби со четири гола разлика.
Озгур Тарак и Грегор Поточник постигнаа по пет гола за Требње, додека Стипе Мандалиниќ беше најефикасен за Пелистер со пет гола.
ЕХФ ЕВРОПСКА ЛИГА, ГРУПА Д
Тимо Требње – Еурофарм Пелистер 28:24 (14:12)
Табела: 1.Рајн-Некар Левен 6, 2.Требње 4, 3.Кадетен 3, 4.ГОГ 2, 5.Пелистер 1, 6.Табања 0
Фото: РК Тимо Требње