Mакедонскиот шампион Еурофарм Пелистер доживеа пораз во третото коло во Лигата на шампионите. ГОГ Гудме славеше во Битола со 31:28 и се изедначи на табелата со Пелистер. Двата тима имаат по победа и два порази.
Фуриозно започна Пелистер, една серија од 6:1, му обезбеди предност од пет гола (10:5). Проблемите за Пелистер настанаа кога Данците започнаа во нападот да играат „седум на шест“. До полувремето ја анулираа предноста, а во вториот дел дојдоа и до највисоката разлика од чето гола (18:22).
Се што направи Пелистер до крајот е што успеа да се доближи до гол негатива (23:24), но играчите на Рубвен Гарабаја немаа сили за целосен пресврт.
Дејан Манасков со девет и Филип Кузмановски со осум гола го предводеа Пелистер. На спротивната страна блескаше Фредерик Бјерне кој натпреварот го заврши со 13 голови без промашување.
Во следното коло, Еурофарм Пелистер ќе гостува во Полска, кај Висла Плок на 8 октомври.
Foto/ facebook.com/hceurofarmpelister