Ракометарките на Норвешка, на две кола до крајот на втората фаза, обезбедија пласман во полу-финалето на Европското првенство. Норвежанките во првиот меч во новоформираната Група 2, ја победија Хрватска со 36:25.
Хрватска, нај пријатното изненадување во досегашниот тек од ЕП, го забележа првиот пораз на шампионатот. Хрватските беа рамноправни до воведните минути од второто полувреме (18:18), потоа во интервал од десет минути, Норвежанките направија две фуриозни серии, од 5:0 и 7:0 ,со кои го решија прашањето на победникот.
Претходно во оваа група Германија ја победи Унгарија со 32:25. За три дена Хрватска и Германија во директен дуел ќе решаваат за второто место и пласман во полу-финалето.