Женската ракометна репрезентација на Македонија загуби (20:27) од Словенија на вториот меч од ЕХФ Eврокупот. Овојпат нашиот национален тим не успеа да ја повтори играта од првиот дуел, а селекторот Љубомир Савевски ќе има што да им воочи на ракометарките во следниот период. Ова дефинитивно е уште една лекција за селекцијата чија цел е подобро да се подготви за настап на Европското првенство во ноември.
Претходно, во ЕХФ Еврокупот ќе има уште една супер проверка на формата, против светскиот првак Норвешка.
Фото: Игор Паневски
