РК Вардар го потврди третото засилување пред новата сезона, откако младиот српски бек Маатија Николиќ потпиша двегодишен договор со опција дополнителна година.
Тој ги мина медицинските тестови и веќе е со тимот во Скопје, како трето засилување по Марко Срдановиќ и Стефан Петриќ. Николиќ има 22 години и во последните три сезони настапуваше во словенечкиот шампионат каде го носеше дресот на Шкофја Лока. Таму се пресели во сезоната 2020/21, и тогаш на 26 меча даде 75 гола.
Од клубот велат дека на подготовките има уште неколку засилувања кои треба да ги минат лекарските прегледи пред да ги потпишат и официјалните договори со клубот. Вардарци покрај подготовките во Скопје ќе заминат и на висински подготовки на Маврово, и ќе настапат и на турнирот во Струга.