Top Sport

Facebook Twitter

Русинките имаа +5, на крајот спасуваа реми со Франција

Ракомет Makfax / 11.12.2020

Русинките не успеаја целосно да се одмаздат на Французинките за поразот во финалето на Евро 2018, откако пропуштија водство од пет гола во првото полувреме за да одиграат тешко 28:28 реми, со кое двете репрезентации се поблиску до пласман во полуфиналето на ЕП во Данска и Норвешка.

Русинките имаа многу подобро прво полувреме и водеа со 12:7 во првото полувреме, пред Французинките да го намалат ова водство на три гола (19:16). Во второто полувреме, Александра Лакрабер и Естел Нзе го најавија камбекот и помогнаа Франција да поведе со 24:23, за на крајот Русинките со гол во последните секунди на Олга Фомина да извлечат реми.

Нзе и Осеан Серсиен Уголин беа најефикасни кај Франција со пет гола, додека Владлена Бобровникова, Јулија Манагарова и Антонина Скоробогатченко имаа по пет гола за Русија. Вечерва се игра нордиското дерби меѓу Данска и Шведска, за кои ова е прв меч во втората рунда, додека Французинките и Русинките играа и вчера.

ЕП РАКОМЕТ 2020, 2. ФАЗА

ГРУПА 1

Франција – Русија 28:28 (16:19)

Данска – Шведска 20.30 ч.

Табела: 1.Русија 7, 2.Франција 7, 3.Данска 2, 4.Шведска 1, 5.Шпанија 1, 6.Црна Гора 0.

Scroll to Top