Шведска пред преполната „Спаладиум арена“ во Сплит, го декласираше домаќинот Хрватска со 35:31 за да го освои првото место во групата А и во исто време да дозволи Србија да се пласира понатаму по победата над Исланд.
Кога се очекуваше дека Хрватите ќе ја комплетираат првата фаза со совршен 3-0 скор и ќе патуваат во Загреб со мисли кон борбата за медали, на патот се најдоа „трите круни“, кои доминираа од почетокот до крајот на мечот за импресивна победа.
Goals 6&13 have arrived! Check out these two @grundfos goals of today’s match Croatia vs Sweden. Do you want to win 2 TICKETS for the EHF EURO final?
Who will score goal number 6 and goal number 13 at tomorrow’s game Spain or Denmark? #ESPDEN
Click here! https://t.co/cAY3i3yTHm pic.twitter.com/rcYV6XLscS— EHF EURO (@EHFEURO) January 16, 2018
Со оваа победа, Шведска го освојува првото место во групата, пред Хрватска и Србија, која чекаше триумф на Швеѓаните за пласман, откако претходно не успеа да направи +4 во мечот со Исланд.
Албин Лагергрен беше најпрецизен за Швеѓаните со шест гола, а по пет имаа Јеспер Нилсон и Симон Јепсон. Кај домаќините Иван Чупиќ постигна седум гола (за да има вкупно 150 на сите настапи на ЕП), а пет пати погоди Марко Копљар.
Во групата Б немаше изненадување, откако Норвешка со 39:28 ја победи Австрија, оставајќи ги без победа на шампионатот. Норвежаните се втори во групата зад Франција, додека во втората рунда оди и Белорусија.
?? Norway leads the match against Austria having Magnus Jondal delivering this picture-perfect finish.
Watch it again!@NORhandball @HandballAustria #NORAUT #ehfeuro2018 #hypnoticgame pic.twitter.com/TGYrwIUuEH— EHF EURO (@EHFEURO) January 16, 2018
Хрватска во втората рунда пренесува 2 поени, додека Шведска ќе има 4, а Србија влегува без поени, а се „вкрстуваат“ со Французите (4 поени), Норвежаните (2 поени) и Белорусите (без поени).
ГРУПА А
Србија – Исланд 29:26
Хрватска – Шведска 31:35
Табела: 1.Шведска 4, 2.Хрватска 4, 3.Србија 2, 4.Исланд 2
ГРУПА Б
Франција – Белорусија 32:25
Норвешка – Австрија 39:28
Табела: 1.Франција 6, 2.Норвешка 4, 3.Белорусија 2, 4.Австрија 0
Нова драма – Србија го победи Исланд, но им „фалеше“ еден гол!